Խաղաղությունը կկնքվի Ալիևի սկզբունքներո՞վ. ռուս փորձագետ
Այսօր՝ մայիսի 10-ին Հայաստանի և Ադրբեջանի ԱԳ նախարարների Ալմաթիում կայանալիք բանակցություններին ընդառաջ «Ազգային պաշտպանություն» ամսագրի գլխավոր խմբագիր Իգոր Կորոտչենկոն մեկնաբանել է կայանալիք հանդիպումը։Վերլուծաբանը Երևանի և Բաքվի միջև մեկնարկած սահմանազատման գործընթացը անվանել է «ադրբեջանական դիվանագիտության հաջողություն» և հավելել որ առջև շատ կարևոր փուլ է սպասվում։
«Փաշինյանն այսօր հեռվանում է Մոսկվայից, սակայն շատ կարևոր է, որ ԱԳ նախարարների հանդիպումը կայանալու է ղազախական հարթակում։ Մենք ակնկալում ենք միայն մեկ բան՝ այս բոլոր որոշումներն ու բանակցությունները կավարտվեն խաղաղության պայմանագրով Ադրբեջանի նախագահ Իլհամ Ալիևի առաջադրած պայմաններով և սկզբունքներով։ Իհարկե, վաղ թե ուշ խաղաղության պայմանագիր կկնքվի։ Մենք բացարձակապես համոզված ենք դրանում»,-ասել է Կորոտչենկոն։
