Իսրայելը բարդ արշավ է տանում բազմաթիվ ճակատներում, գտնվում է ուժեղ միջազգային ճնշման տակ, սակայն չի հրաժարվում իր նպատակներից
Իսրայելը ստիպված է ռազմական գործողություններ իրականացնել միանգամից մի քանի ճակատում՝ միևնույն ժամանակ գտնվելով ուժեղ միջազգային ճնշման ներքո, սակայն չի հրաժարվում իր նպատակներից։ Այս մասին հայտարարել է Իսրայելի վարչապետ Բենիամին Նեթանյահուն Իսրայելի պաշտպանության ուժերի կենտրոնական հրամանատարությունում կայացած հանդիպման արդյունքներով, գրում է Times of Israel-ը:
«Իսրայել պետությունը բարդ արշավ է տանում բազմաթիվ ճակատներում։ Մենք կռվում ենք հարավում, հյուսիսում և այստեղ՝ Հրեաստանում և Սամարիայում (Իսրայելի կողմից Հորդանան գետի արևմտյան ափի անվանումը-Խմբ.): Այս ջանքերը ձեռնարկվում են մեզ վրա բարդ միջազգային ճնշման պայմաններում։ Բայց ես կարող եմ ձեզ վստահեցնել մի բանում. այն, ինչ նախկինում էր, այլևս չի լինի, մենք կփոխենք այս իրականությունը», - ասել է Նեթանյահուն, որի խոսքերը տարածել է վարչապետի գրասենյակը։
«Ես ապավինում եմ մեր զինվորներին, հրամանատարներին և անվտանգության ուժերին՝ Իսրայելն անվտանգ պահելու համար», - հավելել է նա: