ՌԴ-ում պատմության նոր դասագրքում Կասպարովն ընդգծված չէ շախմատի աշխարհի չեմպիոնների ցանկում. The Insider
![ՌԴ-ում պատմության նոր դասագրքում Կասպարովն ընդգծված չէ շախմատի աշխարհի չեմպիոնների ցանկում. The Insider ՌԴ-ում պատմության նոր դասագրքում Կասպարովն ընդգծված չէ շախմատի աշխարհի չեմպիոնների ցանկում. The Insider](https://hayacq.com/uploads/posts/2024-07/1721654913_garri-kasparov.jpeg)
«Գաղափարախոսությունը և մշակույթը 1964–1985 թվականներին» բաժնի շախմատային հատվածում թվարկված են Միխայիլ Բոտվիննիկը, Վասիլի Սմիսլովը, Միխայիլ Տալը, Տիգրան Պետրոսյանը, Բորիս Սպասկին և Անատոլի Կարպովը։ Այն, որ Կարպովը 1985 թվականին զիջել է աշխարհի չեմպիոնի տիտղոսը Գարրի Կասպարովին, գրքում չի նշվում։
Կասպարովը հայտնի է ընդդիմադիր հայացքներով և ՌԴ նախագահ Վլադիմիր Պուտինի հասցեին կոշտ քննադատությամբ: Նա մասնակցել է մի շարք ընդդիմադիր շարժումների և հետևողականորեն քննադատում է Ռուսաստանի իշխանություններին։ 2013 թվականի հունիսին նա հայտարարել է Ռուսաստանից հեռանալու և միջազգային ասպարեզում «Պուտինի ռեժիմի» դեմ պայքարը շարունակելու մասին։
2022 թվականի փետրվարից (Ռուսաստանի կողմից Ուկրաինա ներխուժելուց հետո) Կասպարովը Ռուսաստանի հակապատերազմական կոմիտեի անդամ է։ Ռուսաստանի արդարադատության նախարարությունը շախմատիստին ներառել է «օտարերկրյա գործակալների» ռեգիստրում, 2024 թվականի մարտի 6-ին «Ռոսֆինմոնիթորինգ»-ը նրան ներառել է «ահաբեկիչների և ծայրահեղականների» ցուցակում։
2024 թվականի ապրիլի 4-ին Սիկտիվկարի քաղաքային դատարանը հեռակա կալանավորել է Կասպարովին՝ ահաբեկչական համայնք ստեղծելու, ահաբեկչական գործողությունների ֆինանսավորման և ահաբեկչության մասին հրապարակային կոչերի մեղադրանքով։
![](https://scontent.fevn7-1.fna.fbcdn.net/v/t1.15752-9/450407208_389319014258580_3997405157946541474_n.png?_nc_cat=107&ccb=1-7&_nc_sid=9f807c&_nc_ohc=8QS7TXH1TPwQ7kNvgFmCWpL&_nc_ht=scontent.fevn7-1.fna&oh=03_Q7cD1QHe8KkpgiIYmkr3HoVyBTF9Rs4sBv-PF4vIZnf9dwIcrw&oe=66C19099)