Դուրովի փաստաբանն ինչ խորհուրդ է տվել Telegram-ի օգտատերերին
Սոցիալական ցանցերի և մեսենջերների օգտատերը պետք է զգույշ լինեն Ֆրանսիայում Telegram-ի հիմնադիր Պավել Դուրովի ձերբակալության ֆոնին։ Այս մասին «Радио 1»- ի հետ զրույցում հայտարարել է «Կվաշան և գործընկերները» իրավաբանական բյուրոյի կառավարիչ գործընկեր Դմիտրի Կվաշան։«Զգույշ եղեք, թե ինչ եք գրում և ուղարկում, մեսենջերներում 100% պաշտպանություն ձեզ երաշխավորել ոչ ոք չի կարող»,-ասել է փաստաբանը:
Նրա խոսքով՝ Ռուսաստանն ուղղակի հիմքեր չունի պահանջելու Դուրովի արտահանձնումը, քանի որ գործարարը Ֆրանսիայի քաղաքացիություն ունի: Արտահանձնման կարող է ենթարկվել օտարերկրյա պետության քաղաքացին, իսկ Դուրովը Ֆրանսիայի համար այդպիսին չէ։
Կվաշան վստահ է, որ Փարիզում դժգոհ են եղել, որ Telegram-ի մուտքի իրավունքները տրվել են ոչ թե իրենց, այլ, այլ երկրների։ Իրավաբանի կարծիքով՝ այլ երկրների հատուկ ծառայությունները հասանելիություն ունեն մեսենջերի տվյալներին։ Թե կոնկրետ որ պետությունների մասին է խոսքը, նա չի հստակեցրել։
