Հոկտեմբերի 2-ից սկսած միջազգային հաղորդակցությամբ կգործի Երևան-Թբիլիսի-Երևան գնացքը
«Հարավկովկասյան երկաթուղի» ՓԲԸ-ն հայտարարում է միջազգային ուղեւորափոխադրումների ամառային սեզոնի փակման մասին 2024 թվականի հոկտեմբերի 1-ից․«Տեղեկացնում ենք, որ սկսած 02.10.2024թ. միջազգային հաղորդակցությամբ կգործի Երեւան-Թբիլիսի-Երեւան գնացքը։ Մեկնումը Երևանից ամսվա զույգ օրերին, մեկնումը Թբիլիսիից՝ ամսվա կենտ օրերին։
Գնացքի տոմսերը վաճառվում են Երևանի, Արմավիրի, Գյումրիի և Վանաձորի կայարանների տոմսարկղերում, ինչպես նաև առցանց՝ www.railway.am կայքում։ Պայմաններին և գնացքների չվացուցակին կարող եք ծանոթանալ նաև մեր կայքում։ Մաղթում ենք բարի ճանապարհ»,- նշվում է հաղորդագրության մեջ:
