Turkish Airlines թուրքական ավիաուղիների օդաչուն մահացել է թռիչքի ժամանակ
Թուրքական ավիաուղիների օդաչու Իլչեհին Փեհլիվանն անսպասելի մահացել է թռիչքի ժամանակ: Դա տեղի է ունեցել Սիեթլից Ստամբուլ TK204 չվերթի ժամանակ: Այս մասին հայտնում է yenisafak.com-ը:Airbus A350-ի կապիտանը հանկարծակի իրեն վատ է զգացել, ապա ուշագնաց եղել։ Երկրորդ օդաչուն կապվել է ավիադիսպետչերների հետ՝ մոտակա օդանավակայանում արտակարգ վայրէջք կատարելու համար:
Հաղորդվել է, որ կապիտանը մահացել է։ Միջադեպի առնչությամբ հայտարարություն է տարածել Turkish Airlines-ը։
Հաղորդվում է, որ պարբերական բուժզննումների ժամանակ Փեհլիվանի մոտ առողջական խնդիրներ չեն հայտնաբերվել։
