Վրաստանում Սալոմե Զուրաբիշվիլիի նկատմամբ իմպիչմենտի գործընթաց է սկսվել
Այսօր Վրաստանի խորհրդարանի մեծամասնության պատգամավորների կողմից Վրաստանի նախագահի պաշտոնանկության հարցի վերաբերյալ սահմանադրական հայտը կուղարկվի երկրի Սահմանադրական դատարան։ Այս մասին գրում է Georgia online-ը։Իշխող կուսակցության 81 պատգամավոր ստորագրել է իմպիչմենտի պահանջով փաստաթուղթ։
«Վրացական երազանքը» Սալոմե Զուրաբիշվիլիին մեղադրում է Վրաստանի Սահմանադրության 52-րդ հոդվածի «Ա» ենթակետը խախտելու մեջ, ըստ որի՝ երկրի նախագահն իր օտարերկրյա այցերը պետք է իրականացնի կառավարության համաձայնությամբ։
Իշխող «Վրացական երազանք»-ի մեծամասնությունը փորձում է երկրորդ անգամ իմպիչմենտի միջոցով պարտադրել Սալոմե Զուրաբիշվիլիի հրաժարականը։
Գործընթացն ավարտին հասցնելու համար անհրաժեշտ է Վրաստանի խորհրդարանի 100 պատգամավորի աջակցությունը։
