Եթե դուք ունենայիք 100 մլն դոլարին համարժեք դրամ, որ ոլորտներում, որ միկրոճյուղերում ներդրում կկատարեիք
Եթե դուք ունենայիք 100 մլն դոլարին համարժեք դրամ, որ ոլորտներում, որ միկրոճյուղերում ներդրում կկատարեիք, որպես պետություն, որպեսզի ապահովեինք հարկեր, արտահանում, ապահովեինք ներմուծմանը փոխարինող ապրանքներ և աշխատատեղեր ստեղծեինք։ Այս մասին ԱԺ-ում 2025 թ-ի բյուջեի քննարկման ընթացքում Վահե Հովհաննիսյանին հարցրեց ՔՊ-ական պատգամավոր Խաչատուր Սուքիասյանը։«Դուք չե՞ք ընդունում, որ ՀՆԱ/հարկեր հարաբերակցությունը նոր ինտերնետ դարում հնացած է և մենք չենք կարողանում ՀՀ-ում ինժեներական ծավալը ինչ-որ կերպ ներգրավենք ՀՆԱ-ի մեջ, որովհետև դա գեներացվում է ՀՀ-ում տասնյակ հազարավոր ինժիներների կողմից, բայց դրա սեփականատերը Հայաստանը չէ»։
Ֆինանսների նախարար Վահե Հովհաննիսյանն ասաց, որ առաջին հարցին պատասխանել են բյուջեի տարբերակով։ «Պատասխանն այն է, որ մենք ներդրնում ենք 2 հիմնական խնդիրների լուծման համար, առաջին կետում անվտանգությունն է , որովհետև դա անհրաժեշտ է մնացած ամեն ինչի համար և դպրոցաշինությունը՝ կրթության համար։
Անդրադառնալով տեխնոլոգիական ոլորտի կողմից ՀՀ-ում արժեք ստեղծելուն, ապա ըստ նախարարի, դա վիճակագրական ծառայության աշխատանքն է։ «Այստեղ ունենք բարեփոխումների ծրագիր, այդ ոլորտի ստեղծած արժեքը հաշվարկվում է մեր ՀՆԱ-ում»,-ասաց նա՝ ընդգծելով, որ ֆրիլանսերների ստացած եկամուտը ևս հարկվում է։
