Զուրաբիշվիլին շնորհակալություն է հայտնել Զելենսկիին՝ «Վրացական երազանքի»19 անդամների, այդ թվում՝ Բիձինա Իվանիշվիլիի դեմ պատժամիջոցներ կիրառելու համար
Վրաստանի նախագահ Սալոմե Զուրաբիշվիլին շնորհակալություն է հայտնել ուկրաինայի նախագահ Վլադիմիր Զելենսկիին, իշխող «Վրացական երազանք» կուսակցության 19 անդամների, այդ թվում՝ իշխող կուսակցության հիմնադիր և նրա պատվավոր նախագահ Բիձինա Իվանիշվիլիի, վարչապետ Իրակլի Կոբախիձեի նկատմամբ պատժամիջոցներ կիրառելու համար։X սոցիալական ցանցում Սալոմե Զուրաբիշվիլին գրել է.«Շնորհակալություն Վոլոդիմիր: Ռուսաստանը փորձում է վերականգնել վերահսկողությունը Սև ծովի վրա»:
Հիշեցնենք՝ Զելենսկին պատժամիջոցներ է սահմանել Վրաստանի իշխանությունների դեմ՝ հաստատելով երկրի Ազգային անվտանգության և պաշտպանության խորհրդի որոշումը։ Այս մասին նա հայտնել է իր թելեգրամյան ալիքում։ Պատժամիջոցների ցուցակում են Վրաստանի վարչապետ Իրակլի Կոբախիձեն, Թբիլիսիի քաղաքապետ, իշխող «Վրացական երազանք՝ ժողովրդավարական Վրաստան» կուսակցության գլխավոր քարտուղար Կախա Կալաձեն, «Վրացական երազանք»-ի հիմնադիր Բիձինա Իվանիշվիլիին, մի քանի նախարարներ և երկրի ղեկավարության այլ ներկայացուցիչներ։ «Ես ստորագրել եմ հրամանագիր, որն ուժ է տալիս Ազգային անվտանգության և պաշտպանության խորհրդի՝ պատժամիջոցների մասին որոշմանը: Սրանք պատժամիջոցներ են իշխանության այն հատվածի դեմ, որը Վրաստանը հանձնում է Պուտինին»,- ասվում է հրապարակման մեջ։
