Լուկաշենկոն գրանցվել է որպես նախագահի թեկնածու, 7-րդ անգամ նա կպայքարի նախագահի պաշտոնի համար
Բելառուսի նախագահ Ալեքսանդր Լուկաշենկոն գրանցվել է որպես նախագահի թեկնածու. ընտրությունները կկայանան 2025 թվականի հունվարի 26-ին։Բելառուսի Կենտրոնական ընտրական հանձնաժողովի տվյալներով՝ Լուկաշենկոյի՝ որպես նախագահի թեկնածու առաջադրվելու օգտին վավեր է ճանաչվել 2 միլիոն 518 հազար 145 ընտրողի ստորագրություն՝ պահանջված 100 հազարի փոխարեն։
Լուկաշենկոն բելառուսական պետության ղեկավարի պաշտոնի համար կպայքարի յոթերորդ անգամ։ 2020-ի նախորդ ընտրություններում նա ստացել էր ժողովրդական քվեների 80,1%-ը։
