Ռուսաստանը հաղթաթուղթ ունի Ուկրաինայի հարցով բանակցություններում, քանի որ վերահսկում է զգալի տարածքներ․ Թրամփ
Ռուսաստանը հաղթաթուղթ ունի Ուկրաինայի հարցով բանակցություններում, քանի որ վերահսկում է զգալի տարածքներ, Սպիտակ տանը լրագրողների հետ զրույցում ասել է ԱՄՆ նախագահ Դոնալդ Թրամփը։«Կարծում եմ՝ ռուսները ցանկանում են վերջ տալ պատերազմին։ Ես իսկապես այդպես եմ կարծում։ Բայց նրանք հաղթաթուղթ ունեն, քանի որ շատ տարածքներ են գրավել, ուստի առավելություն ունեն»,- ասել է նա:
Փետրվարի 18-ին Սաուդյան Արաբիայի Ռիադ քաղաքում տեղի էին ունեցել երկար տարիների ընթացքում առաջին լայնածավալ բանակցությունները Ռուսաստանի և ԱՄՆ-ի միջև։ Ի թիվս այլ հարցերի, բարձրացվել է Ուկրաինայի հակամարտության կարգավորման հարցը։
