Զելենսկու ներկայությունն այնքան էլ կարևոր չէ Ուկրաինայի հակամարտության կարգավորմանը նվիրված հանդիպումներում
Վլադիմիր Զելենսկու ներկայությունն այնքան էլ կարևոր չէ Ուկրաինայի հակամարտության խաղաղ կարգավորմանը նվիրված հանդիպումներում։ Fox News-ին տված հարցազրույցում ասել է ԱՄՆ նախագահ Դոնալդ Թրամփը։«Նա բողոքում է, որ ինքը ներկա չէ այն հանդիպմանը, որը մենք ունենում ենք Սաուդյան Արաբիայում։ Դե, նա երեք տարի հանդիպումների մեջ է մի նախագահի հետ, ով չգիտեր, թե ինչ է անում: Նա երեք տարի է, ինչ հանդիպումների է եղել, և ոչինչ չի ստացվել: Այնպես որ, եթե անկեղծ, չեմ կարծում, որ նրա ներկայությունն այդ հանդիպումներում կարեւոր է»,- Թրամփի խոսքերը մեջբերում է Fox News-ը։
Նա ընդգծել է, որ Զելենսկին հանդիպմանը չի հրավիրվել, քանի որ նա շատ վատ է հանդես եկել որպես բանակցող։
«Ես նրան հետևել եմ տարիներ շարունակ և դիտել եմ, թե ինչպես է նա բանակցում՝ ձեռքին չունենալով որեւէ խաղաքարտ»,- ասել է ԱՄՆ նախագահ:
Ամերիկացի առաջնորդը նաև հիշեցրել է ֆինանսների նախարար Սքոթ Բեսենտի վերջերս Կիև կատարած այցը, որը պետք է Զելենսկու հետ համաձայնագիր ստորագրեր հազվագյուտ հողային օգտակար հանածոների վերաբերյալ։ Թրամփն ասել է, որ երբ Բեսենտը չի կարողացել կրկին հանդիպել Զելենսկու հետ, երբ պետք է ստորագրվեր այն։
