Թրամփը նամակ է ստացել Զելենսկուց խաղաղ բանակցությունների պատրաստակամության մասին
ԱՄՆ նախագահ Դոնալդ Թրամփը նամակ է ստացել Ուկրաինայի առաջնորդ Վլադիմիր Զելենսկիից, որում վերջինս հավաստիացրել է, որ Կիևը պատրաստ է նստել բանակցությունների սեղանի շուրջ՝ Ուկրաինայում իրավիճակը կարգավորելու համար։ Այս մասին Թրամփը հայտարարել է ԱՄՆ Կոնգրեսի երկու պալատներում ելույթի ժամանակ, փոխանցում է РИА Новости-ն։«Այսօր ես կարևոր նամակ ստացա... Զելենսկիից... Ուկրաինան պատրաստ է որքան հնարավոր է շուտ նստել բանակցությունների սեղանի շուրջ»,- ընդգծել է նա։
Փետրվարի 24-ին ՌԴ նախագահ Վլադիմիր Պուտինը հայտարարել է, որ Զելենսկին խուսափում է Ռուսաստանի հետ բանակցություններից, քանի որ դրանց մեկնարկն անխուսափելիորեն կհանգեցնի Ուկրաինայում ռազմական դրության վերացման անհրաժեշտությանը։ Նա նշել է, որ դրան կհաջորդի Ուկրաինայում նախագահական ընտրությունների անցկացման անհրաժեշտությունը։ Միաժամանակ, ինչպես ընդգծել է ՌԴ ղեկավարը, ընտրություններում հաղթելու Զելենսկու շանսերը զրոյական են։
