Ուզում ես օրը վեց անգամ մսով ճաշ կեր, եթե այդ միջավայրում ես ապրում, ուրեմն աղքատ ես
Հնարավոր չէ լավ ապրել՝ ցեխակոլոր ճանապարհներ, մութ ու խավար փողոցներ ունեցող, ծառից ու ծաղկից զուրկ, կոյուղի չունեցող բնակավայրում, իսկ այդպիսի թաղամասերը հազարավոր են։ Այս մասին ԱԺ-ում հայտարարել է Նիկոլ Փաշիրնյանը։«Կապ չունի, թե շաբաթական քանի անգամ ես մսով ճաշ ուտեմ, եթե ապրում ես ցեխոտ փողոցում, ուրեմն աղքատ ես։ Ուզում ես՝ օրը վեց անգամ մսով ճաշ կեր, եթե այդ միջավայրում ես ապրում, ուրեմն՝ աղքատ ես, բարեկեցությունը քեզնից հեռու է այնքան, ինչքան՝ Պլուտոնն արևից»,- նշեց Փաշինյանը, որի կարծիքով՝ լավ ապրելու ցուցանիշն այն է, թե որքան ես հարկ վճարում։
