Առանց ընդդիմության իշխանությունը լեգիտիմության լուրջ պակաս ունի.Տեսանյութ
Նոյեմբերի 2-ին «Հայացք» մամուլի ակումբի հյուրն էր քաղաքագիտության դոկտոր Հայկ Մարտիրոսյանը:Հայկ Մարտիրոսյանը անդրադարձավ առաջիկայում կայանալիք ԱՄՆ նախագահական ընտրություններին, ինչպես
նաև ՀՀ ներքին և արտաքին քաղաքականությանը:
Քաղաքագետը նկատեց, որ նոյեմբերի 8-ին կայանալիք ԱՄՆ նախագահական ընտրություններում
հնարավոր է հաղթանակ տանի հանրապետական թեկնածու
Դոնալդ Թրամփը. «Դեմոկրատական թեկնածու Հիլարի Քլինթոնի շուրջ վերջին սկանդալային զարգացումները,
փաստորեն, հասարակական կարծիքի լուրջ շարժ են արձանագրել և բացառված չէ, որ տեղի ունենա
նախկինում անսպասելին և Դոնալդ Թրամփը ընտրվի ԱՄՆ նախագահ»:
Ներքաղաքական վերջին զարգացումների
և 2017 թ. խորհրդարանական ընտրություններին ընդառաջ քաղաքական վերադասավորումների հետ
կապված Հայկ Մարտիրոսյանն ասաց. «Ընդդիմության դաշտը բզկտված և ջլատված է: Կան ուժեր,
որոնք ընդհանրապես ընդդիմություն չեն, բայց հանդես են գալիս ընդդիմության դիմակով:
Եվ կան ուժեր, որոնք իրական ընդդիմություն են, բայց ուժ չեն այլևս կամ ուժ չունեն հիմնականում:
Այստեղ կա խնդիր, այդ ուժերը փորձում են համախմբվել, և այդ համախմբմանը, կարծում եմ,
դեմ չէ նաև իշխանությունը, որովհետև լիովին առանց ընդդիմության իշխանությունը լեգիտիմության
լուրջ պակաս ունի»:
Ամբողջական ասուլիսը՝
Hayacq.com-ի տեսանյութում
