Այո, ես էլ գիտեմ, մարդիկ արդեն զզվել են այդ «նախկին-ներկա» բանավեճերից.Փաշինյան
Նախորդող շրջանի քաղաքական էլիտայի բոլոր այն ներկայացուցիչները, ովքեր Հայաստանը առաջնորդել են և տարել են դեպի թակարդ, պահել են թակարդում՝ 2026 թվականի խորհրդարանական ընտրությունների արդյունքում բոլորը պետք է դուրս մղվեն և այլևս քաղաքական դաշտում պետք է տեղ չունենա սա իմ կարծիքն է։ Այս մասին կառավարության նիստից հետո ասաց Նիկոլ Փաշինյանը։ «Ես համոզված եմ, որ այդպես էլ տեղի կունենա։ Այո, ես էլ գիտեմ, մարդկանց հետ շփվում եմ՝ մարդիկ արդեն զզվել են այդ «նախկին-ներկա» բանավեճերից, քննարկումներից։
Մենք նաև կուսակցության ֆորմատով ենք քննարկում ունենում, որ մենք պետք է այնուամենայնիվ արդեն դուրս գանք այս տրամաբանությունից և քաղաքական կյանքի նորմալ կանոններ պետք է հաստատվեն Հայաստանի Հանրապետությունում, որտեղ հայհոյախոսությունը ընդհանրապես տեղ չունի, առավել ևս քաղաքական քննարկումների բովանդակության մեջ։
Հիմա դուք կասեք, որ ես էլ եմ այդ գործով զբաղվել, ճիշտ կասեք, դրա համար էլ ես կիրակի օրերը գնում եմ և խորանի առաջ ծնկի եմ գալիս և իմ մեղքերի համար թողություն եմ խնդրում»,-ասաց նա:
