Ոչ մի սպառնшլիք մեզ վրա չի ազդի՝ ո՛չ Ուկրաինայում, ո՛չ Գրենլանդիայում, ո՛չ էլ աշխարհի որևէ այլ վայրում
«Ոչ մի սպառնալիք մեզ վրա չի ազդի՝ ո՛չ Ուկրաինայում, ո՛չ Գրենլանդիայում, ո՛չ էլ աշխարհի որևէ այլ վայրում, երբ մենք բախվենք նման իրավիճակների», - գրել է Մակրոնը X սոցիալական ցանցում։Վերահաստատելով Ֆրանսիայի հանձնառությունն ազգերի ինքնիշխանությանն ու անկախությանը, նա նշել է, որ հենց այս հիմքով են նրանք որոշել մասնակցել Դանիայի կողմից Գրենլանդիայում կազմակերպված զորավարժություններին:
«Մաքսատուրքերի սպառնալիքներն անընդունելի են և տեղ չունեն այս համատեքստում: Եվրոպացիները կարձագանքեն միաձայն և համակարգված ձևով, եթե դրանք հաստատվեն: Մենք կապահովենք, որ հարգվի եվրոպական ինքնիշխանությունը: Այս ոգով ես կհամագործակցեմ մեր եվրոպացի գործընկերների հետ»,-հավելել է Մակրոնը:
Հունվարի 17-ին Թրամփը հայտարարել էր, որ Վաշինգտոնը փետրվարի 1-ից սկսած նոր մաքսատուրքեր կսահմանի ութ եվրոպական երկրներից ներմուծվող ապրանքների վրա, որոնց դրույքաչափերը կտրուկ կբարձրանան հունիսին՝ վկայակոչելով Գրենլանդիայի հետ կապված ազգային անվտանգության հետ կապված մտահոգությունները։
