Մոսկվան հաստատում է իր պատրաստակամությունը՝ ուսումնասիրելու «Թրամփի ուղու» հնարավոր միացման տարբերակները
Երևանի հարցումները արագորեն մշակվում են, ասել է ՌԴ ԱԳՆ ներկայացուցիչ Մարիա Զախարովան՝ Թուրքիա և Ադրբեջան տանող երկաթուղային հատվածների վերանորոգման վերաբերյալ Հայաստանի խնդրանքի մասին։Նրա խոսքով՝ Մոսկվան կապի մեջ է հայկական կողմի հետ, այդ թվում՝ տնտեսական բլոկի միջոցով։
«Մոսկվան հաստատում է իր պատրաստակամությունը՝ ուսումնասիրելու «Թրամփի ուղու» հնարավոր միացման տարբերակները՝ հաշվի առնելով «Ռուսական երկաթուղիների» փորձը»,- ասել է Զախարովան։
Ըստ ԱԳՆ ներկայացուցչի՝ կարևոր է նախապես ուշադիր ուսումնասիրել այս նախաձեռնության մանրամասները, քանի որ «այն դեռևս սկզբնական փուլում է»:
