Եթե Երևանը գտնում է, որ ԵՄ-ում ավելի լավ կլինի, քան ԵԱՏՄ-ում, կարող է կատարել նման ընտրություն, բայց ոչ մեր հաշվին
Եթե Երևանը համարում է, որ ԵՄ-ում իրեն ավելի լավ կլինի, քան ԵԱՏՄ-ում, նա կարող է կատարել նման ընտրություն, բայց ոչ մեր հաշվին։ «РИА Новости»-ի փոխանցմամբ՝ այս մասին հայտարարել է Ռուսաստանի փոխվարչապետ Ալեքսեյ Օվերչուկը՝ պատասխանելով հարցին, թե արդյոք Երևանը կգնա՞ ԵԱՏՄ-ի հետ վերջնական խզման։«Մենք կողմ ենք այն ամենին, ինչը հենց իրենք՝ հայերը, իրենց համար ավելի լավ են համարում։ Եթե նրանք կարծում են, որ իրենց համար ավելի հարմար կլինի Եվրոպական միությունում և ավելի լավ կլինի Եվրոպական միությունում, նրանք, իհարկե, կարող են գնալ այնտեղ»,- ասել է Օվերչուկը։
