Հայկազ Բաղմանյանը Թաթուլ Բաղդասարյանից խլած գազալցակայանը վաճառել է վարչապետ Կարեն Կարապետյանի մերձավորներին. Տեսանյութեր
«Դիմել էի դատախազություն, ութ ամսից հետո մերժեցին: Դիմեցի առաջին ատյանի դատարան, քննելուց հետո մերժեցին, ոչ մի օբյեկտիվ քննություն չի կայացել: Դիմել եմ Վերաքննիչ դատարան: Մարտունի քաղաքում օրենք չի աշխատում, աշխատում է ընդամենը Հայկազ Բաղմանյանի հրամանը»,-
Հայացք մամուլի ակումբում ասաց Գեղարքունիքի մարզի Մարտունի քաղաքի «Պանրագործական
ընկերություն» ԲԲԸ-ի տնօրեն Թաթուլ Բաղդասարյանը:
Թաթուլ Բաղդասարյանը պնդում է, որ Հայկազ Բաղմանյանն իրենից բիզնես է խլել, ապօրինությունների և կեղծ փաստաթղթերի միջոցով. «Կեղծիք է կատարվել իմ անշարժ գույքի սեփականության իրավունքի գրանցման վկայականում։ Ինչպես գիտեք, գործարար-գեներալ Հայկազ Բաղմանյանը 2007թ. խլել է մեր ընկերության տարածքը և բիզնեսը: Իսկ դատարանները թաքցնում են, կոծկում են գործը, չգիտեմ՝ ուր գնամ»,- ասաց Թաթուլ Բաղդասարյանը՝ նշելով, որ ցանկանում է դիմել ԱԺ պատգամավորներին՝
մասնավորապես Հրանտ Բագրատյանին, Նիկոլ Փաշինյանին, Արամ Մանուկյանին, Լևոն Զուրաբյանին, Զարուհի Փոստանջյանին, Էդմոն Մարուքյանին, Վահրամ Բաղդասարյանին, Հեղինե Բիշարյանին և Արմեն Ռուստամյանին, որպեսզի խնդիրը բարձրացվի Ազգային ժողովում։
Թաթուլ
Բաղդասարյանը նաև ասաց, որ թեև այս տարիների ընթացքում Բաղմանյանի պատճառով իրեն
100 մլն դրամից ավելի շատ վնաս է պատճառվել, սակայն ինքը պատրաստ է հրաժարվել իրեն
հասանելիքից, միայն թե բացահայտվեն կեղծիքները. «Եթե վերականգնվի արդարությունը, պատրաստ եմ 100 միլիոն դրամը փոխանցել հայկական բանակին՝
մեր զինվորին: Ճիշտ է, իմ կրած վնասները ավելի շատ են, բայց ես չեմ թողնելու Բաղմանյանն իր էրեխեքով վայելի ինձանից գողացած փողերը, պիտի պայքարեմ մինչև վերջ»:
Ըստ Բաղդասարյանի, 2015 թվականին Հայկազ Բաղմանյանը վաճառել է իրենից խլված տարածքը:
Գազալցակայանը ներկայումս շահագործում է «Պավել և ընկերներ» ՍՊԸ-ն, որի բաժնետերերը փոխվել են: Նա
նաև նշեց, որ շրջանառվող լուրերի համաձայն, գազալցակայանը պատկանում է «Տրանսգազ» ՍՊԸ-ի տնօրեն Նիկոլայ Գաբրիելյանին, նրա տեղակալ Ալբերտ Խաչատրյանին ե Կարեն Կարապետյանի մերձավորներից
մեկին.«Հայկազ Բաղմանյանն ինձանից խլած կեղծիքներով ստեղծած բիզնեսը վաճառել է վարչապետի մերձավորներին, ու իրենք իմացել են, որ ապօրինի է այդ գազալցակայանը,
սակայն գնել են»:
Բաղդասարյանը հայտնեց, որ մինչ օրս իրեն չի հաջողվում խնդրի մասին պատշաճ կերպով իրազեկել ՀՀ նորանշանակ վարչապետին. «Հանդիպել
եմ վարչապետի օգնական Նարեկ Ադոնցի հետ, խոստացավ
հանդիպում կազմակերպել, բայց արդեն տևական ժամանակ
է զանգերիս
չեն պատասխանում՝ երբ զանգում եմ, կա’մ չեն պատասխանում, կա’մ էլ ասում են, որ ինձ կզանգեն, ու չեն զանգում»,- ասաց նա:
Բաղդասարյանը հարց է բարձրացնում՝ ինչո՞ւ է «Հայռուսգազարդն» առանց իր հետ պայմանագիր կնքելու գազամատակարարում իրականացրել, այն դեպքում, երբ ղեկավարությունը գազամատակարարման թույլտվությունը իր անունով է տվել, ու առանց իր հետ պայմանագրի Հայկազ Բաղմանյանի գազալցակայանին սկսել գազ մատակարարել.«Այդ ինչպե՞ս եղավ, որ ԱԻՆ-ը գազալցակայաններում ստուգումներ արեց, ու այս գազալցակայանը չփակեց, երբ այն ապօրինի է, և նույնիսկ ԱԻՆ-ն է փաստաթղթերով հաստատել, որ անվտանգության կանոնները խախտված են»,-նկատեց
Թաթուլ Բաղդասարյանը:
