Ուզում եմ հասկանալ՝ քաղաքական կամքը «պոզով-պոչո՞վ» է լինում. Արփինե Հովհաննիսյան
Այսօր՝ հունիսի 7-ին, ԱԺ-ում ընթացող արտահերթ նիստի ժամանակ խորհրդարանի փոխխոսնակ, ՀՀԿ խմբակցության պատգամավոր Արփինե Հովհանննիսյանն անդրադառնալով Ազդարարների ինստիտուտին նշեց, որ այդ մարդիկ «գործ տվողներ» չեն:
«Այդ մարդիկ կարող են նպաստել երկրում լուրջ հանցագործությունների բացահայտմանը։ Եթե բավարար չափով բառերը բավարար չեն, ուրեմն՝ այլ եզրույթ օգտագործենք»,- մասնավորապես ասաց Արփինե Հովհաննիսյանը:
Անդրադառնալով ԱԺ-ում քննարկվող օրենքներին՝ ԱԺ փոխխոսնակն արեց հետևյալ դիտարկումը. «Քաղաքական կամքի բացակայությո՞ւն եք համարում այն, որ ԱԺ-ում քննարկում ենք այս օրենքները։ Ուզում եմ հասկանալ՝ քաղաքական կամքը «պոզով-պոչո՞վ» է լինում։ Բնականաբար, ես երեսպաշտ չեմ լինի՝ ասելով, թե դա բավարար է. միայն սա բավարար չէ»:
