Սերկևիլի զարմանալի օգտակար հատկությունները
Այս անուշաբույր միրգն ամրացնում է իմունիտետը և բուժում շնչառական օրգանների հիվանդությունները։ Սերկևիլն անուշաբույր պտուղ է, խնձորի ու տանձի աշնանային եղբայրը։ Հենց բույրի պատճառով էլ սերկևիլը համարվում է պտղաբերության և սիրո խորհրդանիշ, ինչպես նաև Վեներայի սիրելի միրգը։
Իր անկրկնելի համը սերկևիլը ստացել է պեկտինային միացությունների և դրանում եղած դաբաղանյութերի շնորհիվ։
Պտղի միջուկը պարունակում է գլյուկոզա և ֆրուկտոզա, ինչպես նաև օգտակար միկրոտարրեր՝ կալիում, մագնեզիում, կալցիում, երկաթ և այլն։ Սերկևիլի բուժիչ հատկությունները հնուց են հայտնի. պտուղն օգտագործվում է մարսողական տրակտի հիվանդությունները բուժելու համար: Բացի այդ, սերկևիլի սերմացուի եփուկն օգտագործվում է արգանդի արյունահոսության ու արյունոտ հազի ժամանակ, միրգն օգնում է բուժել կոկորդի ու մաշկի բորբոքային հիվանդությունները: Հատկապես օգտակար է հազի ու վիրուսային հիվանդությունների ժամանակ՝ սուր շնչառական հիվանդություններից մինչև անգինա։
Պտուղն ամրացնում է իմունիտետը, սպանում բոլոր մանրէներն ու նպաստում շնչառական օրգանների վերականգնմանը:
