Համանախագահները կողմերին կոչ են անում անհապաղ դադարեցնել մարտական գործողությունները          Կոչ ենք անում Սփյուռքի մեր բոլոր հայրենակիցներին միակամ ու միասին բոլոր միջոցներով դիմակայել թշնամու նենգ հարվածներին       Այս պահին ճիշտ չի լինի զոհերի մասին թիվ ասել, բայց քանի որ մարտերն ինտեսիվ են, խոսել այն մասին, թե կորուստներ չունենք կամ չենք ունենա, ճիշտ չի լինի    

10 փետ 2018 16:50

Կա՛մ Ալիևը գալիս է Երևան, կա՛մ մենք գնում ենք Բաքու

 Կա՛մ Ալիևը գալիս է Երևան, կա՛մ մենք գնում ենք Բաքու
Եղել և մնում եմ այն համոզմանը, որ երբեք չի կարելի անլուրջ վերաբերել Ալիևի հայտարարություններին: 
Անզեն աչքով տեսանելի է, որ այդ մարդը պատրաստվում է պատերազմի, մեծ պատերազմի: 
Նրա հակահայկական ելույթները, սպառնալիքներն ու վերջնագրերը՝ Երևանը, Զանգեզուրը և Սևանա լիճը գրավելու մասին, դիտարկել միայն նախընտրական կամ ներքին լսարանի համար քարոզչական ելույթների համատեքստում, պարզապես ծիծաղելի է կամ նշանակում է, որ մենք ոչինչ չենք հասկանում:
Ալիևն, ըստ էության, մեր առջև դնում է կամ-կամ-ի հարց. կա՛մ ինքը գալիս է Երևան, կա՛մ մենք գնում ենք Բաքու:
Իհարկե, երրորդ տարբերակը ռացիոնալ ու խաղաղ կարգավորման հեռանկարն է, որի դռները փորձում է փակել հենց ինքը:
Մենք անընդհատ անլուրջ ենք վերաբերվել նրան, իսկ ինքն այդ ընթացքում պատրաստվել է պատերազմի: Արդյունքը 2016թ. ապրիլի արկածախնդրությունն էր:
Որևէ երաշխիք գոյություն չունի, որ այդ մարդը նույնը չի կրկնի՝ էլ ավելի մեծ ծավալներով՝ տարածաշրջանը ներքաշելով խոշոր կատակլիզմի մեջ:
Իմ կարծիքով՝ պետք է համարժեք և բոլորի համար լսելի ու ընկալելի պատասխան տալ նրա՝ Հայաստանը գրավելու վերաբերյալ հայտարարություններին, միաժամանակ պետք է օգտագործել բոլոր դիվանագիտական միջոցները ամենաբարձր մակարդակով միջազգային ամենահեղինակավոր հարթակներում՝ այս անհավասարակշիռ անձին ռացիոնալ հարթություն տեղափոխելու համար, հակառակ դեպքում պատերազմն անխուսափելի է:
Ավելի լավ է հարյուր տարի բանակցել, քան մեկ օր կրակել:
Ես պատերազմ չեմ ուզում:
Նորայր Նորիկյան. Ֆեյսբուք:


Մեկնաբանություններ

Համընկնող լուրեր