Կբացվեն Թուրքիայի նավահանգիստները, միգուցե նաև բացվի Ադրբեջանի շուկան մեզ համար, և մեր շուկան՝ Ադրբեջանի համար. էկոնոմիկայի նորանշանակ նախարար          Ազերները զինված զրահատեխնիկայով Զանգելանից ու Կուբաթլուից մոտենալու են. Զինտեխնիկան ինչի՞ առաջնագծում տեղակայված չի       ՀՔԾ պետ Խաչատրյանը կպատմի, թե ինչպես էր Փաշինյանը ստիպել իրեն նպաստել բանակի թուլացմանը, թե ինչ աճպարարությունների է գնացել    

13 փետ 2018 17:20

Ալիևն արտահերթ ընտրություններով խուսափում է ներքին խմորումներից. Իսկանդարյան

 Ալիևն արտահերթ ընտրություններով խուսափում է ներքին խմորումներից. Իսկանդարյան
Ադրբեջանի նախագահ Իլհամ Ալիևը, արտահերթ ընտրություններ անցկացնելով, միանգամից լուծում է մի քանի խնդիր: Քաղաքագետ Ալեքսանդր Իսկանդարյանի խոսքով` Ալիևը դա անում է առաջին հերթին ընտրություններից առաջ քաղաքական և տնտեսական խնդիրներից ուսափելուխ համար:
«Ալիևն առաջին հերթին ներքին քաղաքական հակասություններն է լուծում, որոնք Ադրբեջանում սովորաբար աննկատ են մնում հասարակության աչքերից: Դա միայն երևում է Ադրբեջանի իշխանությունների կողմից բարձրաստիճան պաշտոնյաներին պաշտոնանկ անելով: Փաշաևների ընտանիքը, որոնք նախկինում տնտեսական ոլորտում էին իշխում, ներկայումս քաղաքական դաշտում են ակտիվանում:
Այսպիսով, ներքին խմորումներից խուսափելու համար Ալիևը ցանկանում է շուտ անցնել ընտրությունների փուլը»,- «Արմենպրես»-ի հաղորդմամբ` փետրվարի 13-ին լրագրողների հետ զրույցում այս մասին ասաց Իսկանդարյանը:
Քաղաքագետի կարծիքով` Ալիևը, ընտրություններ շուտ անցկացնելով, խուսափում է նաև ընտրությունից առաջ հասարակությունում սոցիալ-տնտեսական դժգոհություններից, որոնք, հնարավոր է, հասունանան նավթի գների անկմամբ:
«Բացի այդ, Ալիևի կողմից որոշում կայացնելու» սխեմա»-ն դեգրադացվում է: Դա հաճախ լինում է իշխանությունում երկար մնացող առաջնորդների մոտ, իսկ հայր և որդի Ալիևները արդեն կես դար իշխում են Ադրբեջանում»,- ասաց Իսկանդարյանը:
Ադրբեջանի նախագահ Իլհամ Ալիևի` «Երևանը ադրբեջանական քաղաք դարձնելու «վերաբերյալ հայտարարությունները, քաղաքագետի համար պարզ են և հասկանալի:
«Ի վերջո ընտրություններ են մոտենում, պետք է ինչ-որ ձևով ուժ ցույց տալ: Ադրբեջանի քաղաքական էլիտան կարծում է, որ ներքին լսարանը կլանելու է այդ հայտարարությունները:
Ընդհանրապես` Ղարաբաղյան հակամարտությունը Ադրբեջանի քաղաքական էլիտան օգտագործում է շատ վաղուց: Դա կարելի է ասել ադրբեջանական իշխանության հիﬓական քարն է, որի վրա միավորում է հասարակությունը»,- ասաց Իսկանդարյանը:


Մեկնաբանություններ

Համընկնող լուրեր