Մարտի 29-ին կդադարեցվի հետևյալ հասցեների ջրամատակարարումը          Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք       Մարտի 29-ին երկար ժամանակով լույս չի լինի բազմաթիվ հասցեներում    

21 փետ 2018 21:20

Ինչպես են համբուրվում կենդանակերպի տարբեր նշանները

 
Խոյ
Խոյը հաճախ պոռթկուն որոշումների, գործողությունների և հարաբերությունների  մեջ է, ինչը նրան կրքոտ հաբույրների սիրահար է դարձնում։ Խոյը կարող է գրկել և համբուրել Ձեզ փողոցի մեջտեղում, անծանոթ մարդկանց մոտ։ Նա չի ամաչում և չի մտահոգվում ուրիշների կարծիքի մասին։ Խոյի հետ համբույրը զգացմունքային է և կրակոտ։

Ցուլ
Ցուլը շատ տպավորվող է և գործի է դնում իր զգայարանները։ Նա ոչ միայն համբուրում է, այլեւ դիպչում Ձեզ եւ վայելում Ձեր բույրը։ Ցուլը սիրում է գրկել և հաբուրվել դանդաղ և քնքուշ։ Ագրեսիա նրա կողմից Դուք հաստատ չեք տեսնի։

Երկվորյակներ
Եթե Դուք Երկվորյակ եք , ապա կենսուրախ և կոկետ անձնավորություն եք։ Դուք սիրում եք հաճույք ստանալ, հետաքրքրասեր եք, համարձակ և չարաճճի։ Երկվորյակներն ատում են միապաղաղությունն ու ձանձրույթը, հատկապես՝  համբուրվելու ժամանակ։ Նրանք սեքսուալ են և էներգիայով լի։ Եթե ցանկանան, որ համբուրեք իրենց, անպայման կասեն դրա մասին՝ նույնիսկ չեն վարանի նշել, թե ինչպես պետք է դա  անել։ 

Խեցգետին
Երբեմն Խեցգետինը դաժան և ոչ զգացմուքային կարող է թվալ, սակայն իրականում նա շատ նուրբ է և զգացմունքային, և դա արտահայտում է համբույրի միջոցով։ Խեցգետնի հետ ինտիմ ակնթարթները հնարավորություն են տալիս բացահայտել նրա հոգին։ Խեցգետինը ջերմությամբ է լցված զուգընկերոջ նկատմամբ, իսկ նրա համբույրները խորը, զգայուն և քնքուշ են։ 

Առյուծ
 Առյուծը սիրում է լինեն ուշադրության կենտրոնում, այնպես որ՝ հրապարակայնորեն համբուրվելը նրա համար խնդիր չէ։ Առյուծը լավատես է  և սեքսուալ, իսկ համբույրները կրքոտ, երբեմն էլ՝ հանդգնությամբ ու միտումնավոր անփութությամբ լի են։

Կույս
Կույսը հոգատար և ուշադիր է սիրելիի նկատմամբ, հետևաբար՝ փորձում է ոչ միայն ստանալ, այլ նաև լսել  և կատարել նրա ցանկություններն ու պահաջները։ Կույսին հատուկ են նրբազգացությունն ու ճկունությունը։ Պերֆեկցիոնիզմով «ծանրաբեռնված» այս էակների համբույրները կոկիկ են, որակյալ և մանրակրկիտ։
 
Կշեռք
Կշեռքը ռոմանտիկ համբույրի  գեղեցկությունը պաշտող նշան է։
Նա համբուրվելիս ոչ միայն մտածում է իր զգացողությունների մասին, այլ նաև պատկերացնում է այն՝ համարելով այս տեսարանը շքեղ և հուզիչ։ Նա պաշտում է կրքոտ համբույրները, կրքոտ գրկախառնությունները  և սիրային տեսարանները ֆիլմերում։ Կշեռքը ցանկանում է գլխապտույտի հասցնել իր սիրելիին, հետևաբար՝ նրա համբույրները քնքուշ են, ռոմանտիկ և նուրբ։

Կարիճ
Կարիճի համբույրը սերտ կապված է նրա էրոտիկ էության հետ. դա ցանկասիրությունն է և գայթակղությունը։ Այս նշանը աներևակայելի  կրքոտ է  կյանքի բոլոր ասպեկտներում, հատկապես, երբ գործը հասնում է սիրային մտերմությանը։ Որպես կանոն, Կարիճն առաջին քայլն է անում և դառնում իշխող, իսկ երբեմն նա ունակ է նույնիսկ փոքր-ինչ ագրեսիվ և կոպիտ լինել։

Աղեղնավոր
Արկածախնդիր Աղեղնավորը զվարճություն և ուրախություն է սիրում։ Նա լավատես է, պոզիտիվ և եռանդուն։ Նա պարզապես ուզում է, որ սիրելին իրեն թեթև ու երջանիկ զգա իր կողքին, հետևաբար՝ Աղեղնավորը շռայլում է թե հաճոյախոսությունները, և թե համբույրները։ Ի դեպ, մեկ համբույրը նրան բավական չէ՝ նրան հարկավոր է սիրո և քնքշության մի օվկիանոս և բազմազան զգացողություններ
 
Այծեղջյուր
Նրանք հավակնոտ են , աշխատասեր, նպատակասլաց և կազմակերպված։ Նրանց հատուկ չեն չպլանավորված համբույրներն ու գրկախառնությունները։ Այս նշանը սիրում է համբուրվել կանոններին համաձայն։ Նա համբույրի գիտակ է և հեշտությամբ է համապատասխան զուգընկեր ընտրում։ Եթե սկսում է համբուրվել, անում է դա շատ որակով և նրբանկատ՝ ինչպես որ հարկն է։

Ջրհոս
Ջրհոսը բաց և արկածախնդիր անձնավորություն է։ Այս մարդկանց հատուկ չէ մտածել բոլորի նման, և երբ գործը հասնում է համբույրին, Ջրհոսը չի վախենում անել առաջին քայլը, իսկ նրա կրքոտ համբույրները հիշվում են ընդմիշտ։

Ձկներ
Որոշ մարդիկ նախընտրում են ակնթարթային՝ գրեթե աննկատ կամ սրընթաց, կրքոտ համբույրները, բայց Ձկներին դա բացարձակ չի վերաբերվում։ Նրանք նախընտրում են գրկախառնվել և համբուրվել երկար և ռոմատիկ։ Փաստորեն, գրկախառնությունն ու համբույրը նրանց համար  երկարատև և կրքոտ մի գործընթաց է։

Մեկնաբանություններ


Համընկնող լուրեր