Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Մարդը չի կարողացել անգամ արցախցիներին անվտանգ բենզին բաժանել, բայց հիմա խորհուրդ է տալիս Հայաստանին       Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք    

28 փետ 2018 16:50

Իշխանությունը ցանկանում է անպարկեշտ ձեւով մարտի 1-ի հարցը փակել

Իշխանությունը ցանկանում է անպարկեշտ ձեւով մարտի 1-ի հարցը փակելՀԱԿ փոխնախագահ Լեւոն Զուրաբյանը ողջունում է Ելք-ի մարտի 1-ի վերաբերյալ խորհրդարանական լսումների նախաձեռնությունը:
«Իշխանությունը ցանկանում է անպարկեշտ ձեւով մարտի 1-ի հարցը փակել՝  մարտի 1-ի զոհերի հարազատներին փոխհատուցում տրամադրելով: Սա կլինի իշխանության պլանի իրագործում: Եթե ԱԺ-ում քննարկումների արդյունքում ընդունվի մի որոշում, որտեղ միայն կբավարարվի փոխհատուցման պահանջը, ապա այդ դեպքում սա կհամարվի անբարոյական գործարք»:

Լեւոն Զուրաբյանին զարմացնում է, որ  Սամվել Նիկոյանը՝ ԱԺ-ում նորից խոսելու իրավունք է ձեռք բերել.
 «Նիկոյանը  չհասկացավ, թե ինչ կատարվեց իր հետ, ՀՀԿ-ից ընտրել էին անհատ, որը քիչ է ենթակա հասարակության ատելությանը, նրան հանձնարարել են անել այդ կեղտոտ գործը՝ կոծկել մարտի 1-ը: Ինքը չհասկացավ, թե իրեն ո՞նց փչացրին, չնայած վերջում հասկացել էր: Եթե Կոնգրեսը լիներ Պառլամենտում, ինքը չէր կարող նման կերպ խոսել, իսկ հիմա նրան հակադարձող չեղավ, ոչ ոք չասաց, թե ինչո՞ւ ես քո հնամաշ բառերը նորից ասում»:

Արդարադատություն, փոխհատուցում մարտի 1-ի զոհերի հարազատներին, իշխանությունը ինքը պետք է ներողություն խնդրի սեփական ժողովրդից, ասաց  ՀԱԿ փոխնախագահ  Լեւոն Զուրաբյանը:

«Առաջնային պատասխանատվությունն ընկած է  Ռոբերտ Քոչարյանի վրա: Այդ օրվա իշխանության գլուխը Ռոբերտ Քոչարյանն էր, նա է հրամանագիր ստորագրել, նրա հրամանով է բանակը թողել սահմանը եւ եկել ճնշումներ իրականացնելու: Չնայած սրան, Սերժ Սարգսյանն էլ է կրում պատասխանատվություն, քանի որ նա այդ թիմի մասն է եղել, եւ կա կոծկման պատասխանատվություն: Սերժ Սարգսյանի ամենամեծ մեղավորությունն այն է, որ նրա նախագահության տարիներին այդ ամենը 10 տարի կոծկվել է»:

Նա կարեւորեց մարտի 1-ին կազմակերպվելիք երթը եւ ավելացրեց, որ  ամենակարեւոր գործը ժողովրդի ներկայությունն է Ազատության հրապարակում:
«Եթե ժողովուրդ քիչ հավաքվի, ու դա տեսնի իշխանությունը, այդ ժամանակ իշխանությունն ինքն իր համար կորոշի, որ ժողովուրդը մարսել է Մարտի 1-ը»:

Վաղը՝ մարտի 1-ի զոհերի ծնողների հետ նրանք գնալու են գերեզման: Ժամը 4-ին պատարագ է նախատեսված, իսկ երեկոյան ժամը վեցին կմեկնարկի երթը: 

Լեւոն Զուրաբյանն ասուլիսին դատարկաձեռն չէր եկել. «Մարտի 1-ի ոճրագործությունը» վերնագրով գիրքը նա բաժանեց լրագրողներին: Կոնգրեսը հատուկ հրատարակել է այդ գիրքը, որն օբյեկտիվորեն ներկայացնում է մարտի 1-ի դեպքերի ողջ պատկերը, եզրափակեց Լեւոն Զուրաբյանը:

Մեկնաբանություններ


Համընկնող լուրեր