13:27 - Փորձագետները կոչ են անում կլինիկական պրակտիկայում ավելի լայնորեն ներդնել ծննդաբերությունները ջրում         13:08 - Ի գիտություն նրանց, որոնց 27 տարին լրացել է ու ովքեր խուսափել են զինվորական ծառայությունից      12:50 - Հայաստանում պետք է բռնություն չլինի որևէ մեկի նկատմամբ, այդ թվում՝ քյաբաբ ուտողների, բոյովների...տղամարդկանց նկատմամբ բռնության դեպքերը շատացե՞լ են    

06 մար 2018 13:30

Ողբերգական ավտովթար Կոտայքի մարզում. Opel Zafira-ն գլխիվայր շրջվելով՝ հայտնվել ձորում. վարորդը տեղում մահացել է

Այսօր՝ մարտի 6-ին, խոշոր ու ողբերգական ավտովթար է տեղի ունեցել Կոտայքի մարզում։ Ժամը 10։20-ի սահմաններում Opel Zafira մակնիշի 34 RM 282 համարանիշի ավտոմեքենայի վարորդը Երևան-Սևան ավտոճանապարհի 29-րդ կմ հատվածում՝ Չարենցավանի վարչական տարածքում, դեպի Սևան ընթանալիս դուրս է եկել ճանապարհի երթևեկելի գոտուց, բախվել երկաթե արգելապատնեշներին և մոտ 40 մետր մի քանի պտույտ գլխիվայր շրջվելով՝ հայտնվել ձորում։
 
Ինչպես հայտնում է shamshyan.com-ը, վթարի հետևանքով վարորդը տեղում մահացել է; Նրա դին ավտոմեքենայից դուրս են բերել Արտակարգ իրավիճակների նախարարության Փրկարար ծառայության Չարենցավանի թիվ 47 հրշեջ-փրկարարական ջոկատի փրկարարները։
 
Փաստի առթիվ հարուցվել է քրեական գործ՝ ՀՀ քր. օր-ի 242 հոդվածի 2-րդ մասի հատկանիշներով։ Ոստիկանությունն ու քննչական բաժինը պարզում են մահացած վարորդի ինքնությունը։
 
Աղբյուրը հայտնում է, որ ավտոմեքենայում հայտնաբերվել է Հրազդան քաղաքի բնակիչ՝ 40-ամյա Մակաբե Մանուկյանի անվամբ վարորդական իրավունքի վկայական, ավտոմեքենայի տեխնիկական անձնագիր և նրա անվամբ անձնագիր։ Ոստիկանությունն ու քննչական բաժինը պարզում են նաև, թե արդյո՞ք մահացածը նա է։
 
Փրկարարները, ոստիկաններն ու քաղաքացիները դին մոտ 1 կմ ոտքով պատգարակով մոտեցրեցին շտապօգնության ավտոմեքենային, ինչից հետո դին տեղափոխվեց Չարենցավանի դիահերձարան:

Մեկնաբանություններ

Համընկնող լուրեր