Ֆրանկոֆոնիայի երեւանյան գագաթնաժողով. կարգախոսն է՝ «Ապրել միասին»
ԱԳ նախարար Էդվարդ Նալբանդյանն այսօր՝ մարտի 9-ին, Երեւանում Ֆրանսիայի դեսպանատանը Հայաստանում հավատարմագրված Ֆրանկոֆոնիայի միջազգային կազմակերպության անդամ, ասոցացված եւ դիտորդ պետությունների դեսպանների հետ հանդիպմանը խոսել է Ֆրանկոֆոնիայի գագաթնաժողովի, կանոնադրական մյուս մարմինների նիստերի եւ հարակից միջոցառումների նախապատրաստական աշխատանքների մասին: Այս մասին տեղեկանում ենք ՀՀ ԱԳՆ մամուլի ծառայությունից:
Էդվարդ Նալբանդյանը դեսպաններին ներկայացրել է գագաթնաժողովի «Ապրել միասին» կարգախոսի ընտրությունը, երեւանյան գագաթնաժողովում ընդունվելիք նույնանուն պակտի մշակման գործընթացը:
Հանդիպմանն անդրադարձ է կատարվել նաեւ երեւանյան գագաթնաժողովի շրջանակում նախատեսվող Տնտեսական ֆորումի կազմակերպմանը, Երեւանի կենտրոնում տեղակայվելիք Ֆրանկոֆոնիայի ավանում անդամ երկրների ներկայացվածության հարցերին:
