Հայաստանին պետք են նոր, ավելի հուսալի դաշնակիցներ, ինչպիսին Չինաստանն է, և շահագրգռված է այս տարածաշրջանում իր դիրքերի ամրապնդմամբ. Տեսանյութ
Հայացք մամուլի ակումբում քաղաքագետ Հայկ Մարտիրոսյանը խոսեց Անկարայում կայացած եռակողմ հանդիպման, ինչպես նաև տարածաշրջանային
զարգացումների մասին:«Թուրքիայի, Ռուսաստանի և Իրանի նախագահների հանդիպումը բավականին գործնական էր: Թուրքիայի և Ռուսաստանի միջև հարաբերությունները նոր փուլ են մտնում»,-ասաց Հայկ Մարտիրոսյանը, հավելելով,
որ մեծ մասամբ դա պայմանավորված է Ռուսաստանի միջազգային մեկուսացմամբ:
Հայկ
Մարտիրոսյանի կարծիքով՝ նման բարդ ու վտանգավոր իրավիճակում Հայաստանը պետք է զգոն
լինի. «Եթե Հայաստանի ամենակարևոր դաշնակիցը մտերմանում է իր պատմական թշնամու հետ, դա մեխանիկորեն վտանգ է ստեղծում: Իսկ Երևանը վաղուց դադարել է միջազգային քաղաքականության սուբյեկտ լինել և ավելի շատ պաշտպանում է իր դաշնակցի շահերը: Մինչդեռ, ի տարբերություն Հայաստանի՝ Թուրքիան լավ գիտի և պաշտպանում է իր շահերը»,-ասաց
նա:
Ըստ Հայկ Մարտիրոսյանի, Հայաստանը պետք է նոր, ավելի հուսալի դաշնակիցներ գտնի. «Այդպիսի դաշնակիցներ կան, և նրանց պետք է գրավել: Չինաստանը, մասնավորապես, գլոբալ, հեռահար քաղաքականություն է վարում և շատ շահագրգռված է այս տարածաշրջանում իր դիրքերի ամրապնդմամբ: Հայաստանն ընդամենը պետք է զարգացնի իր հարաբերությունները Չինաստանի հետ, ինչը նա փորձել էր անել ավելի վաղ, սակայն դա որոշակի վեկտորային քաղաքականության մաս չէր: Չինաստանից բացի կան նաև այլ երկրներ»:
