«Ծառուկյանը» դեռևս չի կողմնորոշվել

ԱԺ «Ծառուկյան» խմբակցությունը դեռևս չի կողմնորոշվել, թե ինչպես է քվեարկելու մայիսի 1-ին վարչապետի ընտրության ժամանակ։ Խմբակցության պատգամավոր, Գագիկ Ծառուկյանի մամլո խոսնակ Իվետա Տոնոյանը 168.am-ի հետ զրույցում նշեց, որ քննարկումները, հանդիպումներն անընդհատ ռեժիմով շարունակվում են և որոշում դեռևս չի կայացվել։
«Քանի որ քաղաքական օրակարգի հետ կապված քննարկումները շարունակվում են, վերջնական որոշում դեռ չկա»,- ասաց Ի.Տոնոյանը։
Հարցին՝ Գագիկ Ծառուկյանին վարչապետի թեկնածու առաջադրելու հարց օրակարգում կա՞, Ի.Տոնոյանը պատասխանեց. «Բազմաթիվ հարցեր են օրակարգում՝ դիրքորոշում և այլ հարցեր։ Երբ կլինի եզրահանգում, կտեղեկացնենք»։
Չի որոշվել նաև արդյո՞ք խմբակցությունն ազատ է քվեարկությունն իրականացնելու, թե՞ միասնական հանդես կգա։ Ի.Տոնոյանը նշեց, որ քանի որ դեռ քննարկումները շարունակվոմ են, այդ հարցին անդրադարձ չի եղել։