Արարատցիները հանրահավաք են անցկացնում՝ ի պաշտպանություն Փաշինյանի
Արարատ քաղաքում հանրահավաք է անցկացվում ի աջակցություն շարժման առաջնորդ, «Ելք» խմբակցության ղեկավար Նիկոլ Փաշինյանի եւ նրա գլխավորած շարժմանը։ Հանրահավաքի ժամանակ մի շարք արարատցիներ հանդես եկան ելույթներով։Ելույթների ժամանակ կարմիր թելի պես անցնում էր միտքը, որ արտահերթ ընտրություններ են լինելու, այս անգամ պետք է տեղի ունենան անկաշառ, արդար ընտրություններ, ինչպես նաեւ այլեւս Հայաստանի քաղաքական մշակույթում չպետք է գրանցվեն բռնաճնշումներ։
Արարատցիները իրենց ելույթներում մատնանշում էին երկրի ծանր վիճակը եւ շեշտում, որ հայ ժողովուրդը պետք է հաղթահարի այս փուլն ու առաջ շարժվի դեպի ազատ եւ երջանիկ Հայաստան։
