Փաշինյանը «կքննարկի և կմտածի» թեկնածությունը կրկին առաջադրելու մասին
Բողոքի շարժման առաջնորդ, Ելք» խմբակցության ղեկավար Նիկոլ Փաշինյանը կմտածի վարչապետի պաշտոնում իր թեկնածությունը կրկին առաջադրելու հարցի մասին։ Այդ մասին նա ասել է Reuters գործակալությանը։«Մենք կմտածենք և կքննարկենք»,- ասել է Փաշինյանը` մեկնաբանելով ևս մեկ անգամ առաջադրվելու հնարավորությունը։
Նա հնարավոր է համարում այն սցենարը, որի դեպքում նրա շարժումը կարող է բոյկոտել ընտրությունները, եթե խորհրդարանը լուծարվի։ Սակայն ամեն ինչ կախված կլինի ընթացիկ իրավիճակից։
«Հիմա չեմ կարող հստակ ասել»,- ասել է Փաշինյանը՝ ասելով, որ մտադիր չէ հանձնվել։
«Իմ միակ ուժն իմ ժողովուրդն է։ Մենք չենք հանձնվի, մենք կշարունակենք գործադուլը և անհնազանդությունը»,- հայտարարել է նա։
