Շիրակի մարզպետը հրաժարական է տվել
Շիրակի մարզպետ, դաշնակցական Արթուր Խաչատրյանը հրաժարական է տվել։Մարզպետն այսօր՝ մայիսի 3-ին հրաժեշտի ասուլիս է անցկացրել, հանդես է եկել հրաժեշտի ուղերձով։
«Այսօր Հայաստանի Հանրապետության կառավարությունն ընդունեց դեռևս ապրիլի 26-ին ներկայացրած իմ հրաժարականը, այսօր ես վայր եմ դնում ՀՀ Շիրակի մարզպետի պարտականությունները: Պարտականություններ, որ իրականացրել եմ առաջնորդվելով բարոյականության, հանրային շահի գերակայության ու մասնագիտական արհեստավարժության իմ սկզբունքներին ու պատկերացումներին համապատասխան: Այդ սկզբունքներին հավատարիմ մնացի մինչև վերջ»,- ասվում է նրա ուղերձում:
