Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

05 մայիս 2018 12:50

Երևանում անչափահասի են դանակահարել

Երևանում անչափահասի են դանակահարելՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում քննություն է տարվում` պարզելու Երևանում անչափահասին ծանր մարմնական վնասվածքներ պատճառելու դեպքի բոլոր հանգամանքները:
2018թ. ապրիլի 28-ին՝ ժամը 21։00-ին, «Արմենիա բժշկական կենտրոն» ՓԲԸ-ից հաղորդում է ստացվել առ այն, որ «կրծքավանդակի և հետույքի շրջանի կտրած-ծակած վերքեր» ախտորոշմամբ բուժօգնության է տեղափոխվել Երևան քաղաքի 2001թ. ծնված բնակիչը:
Նախնական տվյալներով՝ անչափահասը ծանր մարմնական վնասվածքներն ստացել է դեպքի օրը՝ ժամը 13:00-ի սահմաններում, անձնական հարցերի շուրջ մի խումբ անձանց մասնակցությամբ տեղի ունեցած վիճաբանության ժամանակ՝ Երևան քաղաքի Տիգրան Մեծի փողոցում:
Դեպքի առթիվ ոստիկանությունում մայիսի 3-ին հարուցվել է քրեական գործ՝ ՀՀ քրեական օրենսգրքի 112-րդ հոդվածի 1-ին մասի հատկանիշներով, որը ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնում ստացվել է մայիսի 4-ին և նույն օրը վարույթ ընդունվել։
Նշանակվել են դատաբժշկական փորձաքննություններ:
Ձեռնարկված անհետաձգելի քննչական և օպերատիվ-որոնողական միջոցառումների արդյունքում պարզվել է վիճաբանությանը մասնակից անձանցից մի քանիսի ինքնությունը:
Նախաքննությունը շարունակվում է, միջոցներ են ձեռնարկվում միջադեպին մասնակից անձանց գործողությունները հստակեցնելու, ենթադրյալ հանցագործություն կատարած անձի (անձանց) ինքնությունը պարզելու ուղղությամբ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:


Մեկնաբանություններ


Համընկնող լուրեր