19:43 - Կորոնավիրուսային հիվանդությունից 89 ամյա պացիենտը մահացել է «Նորք» ինֆեկցիոն հիվանդանոցում         17:33 - Կարելի է ասել, որ մենք հաղթեցինք պատերազմը.Վրաստանում ծանր հիվանդներն ապաքինվում են      17:02 - Վրաստանում կորոնավիրուսի բուժման համար կիրառել են առողջացած մարդու արյան պլազման. Պաատա Իմնաձե. imedinews.ge    

26 մայիս 2018 20:45

ԿԳ նախարարությունում միլիոնների հասնող անարդյունավետ ծախս կա. Արայիկ Հարությունյան

Կրթության ոլորտում հարյուրավոր միլիոնների անարդյունավետ ծախս կա»,- այսօր «Թումո» կենտրոնում հայտարարեց ՀՀ ԿԳ նախարար Արայիկ Հարությունյանը: Նախարարը մասնակցում էր «Նոր սերնդի կրթությունը հարթակի ձևավորումը 1-ին քայլ» միջոցառմանը: Այս ձևաչափով համագործակցությունը քննարկվել է դեռ նախկին իշխանության օրոք:
Արայիկ Հարությունյանն ասում է` վերջին 2-3 շաբաթում մեր երկրում կրթության նկատմամբ հետաքրքրություն է ձևավորվել, որ մեծանում է։ «Հեղափոխությունից հետո, նոր իշխանություններն այս ոլորտներում պատրաստվում են փոփոխություն բերել՝ ոլորտի մասնագետների հետ համագործակցելով: Դրա կարիքը կա՝ ավելի լավ հայեցակարգեր կրթական ոլորտ բերելու համար»,-ասաց նա` հորդորելով կենտրոնանալ լուծումների վրա: Խնդիրների մասին միշտ է խոսվել, գիտեն:
Ավելին, իր պաշտոնավարման երկու շաբաթվա ընթացքում Արայիկ Հարությունյանն ասում է, որ վերհանել է բազմաթիվ օպերատիվ խնդիրներ: Դրանք լուծելուն զուգահեռ իրենք ռազմավարական ու մարտավարական գործողություններ են իրականացնելու. «Ցանկանում ենք նոր գաղափարներ ներգրավել, այն էլ բոլոր ոլորտներում՝ մանկապարտեզներից սկսած մինչ բուհական կրթություն»:
Նախադպրոցական կրթության ոլորտի խնդիրներին, Արայիկ Հարությունյանը ծանոթ է եղել մինչ նախարար նշանակվելը, այս ընթացքում մի քիչ ուսումնասիրել է նաև միջին մասնագիտական ոլորտը, բուհ-ական ոլորտից էլ տեղյակ է`«ես բուհ-ի մարդ» եմ: Նախարարն ասաց նաև, որ այս բոլոր հարցերին պատրաստվում են լուծումներ տալ ոչ միայն իրենց թիմի մասնագետներով: Այլոց էլ են լսելու:
Առաջնահերթությունների շարքում Արայիկ Հարությունյանը կարևորում է բուհերի ապաքաղաքականացումը, առկա ռեսուրսների ճիշտ բաշխումը: Ասաց. «Մինչ օրս նախարարությունում ահռելի չափով չարդարացված ծախսեր են կատարվել, որոնք հասնում են հարյուրավոր միլիոնների»։

Մեկնաբանություններ

Համընկնող լուրեր