Որքա՞ն է կազմում Ռուբեն Ջաղինյանի աշխատավարձը
Այսօր ԱԺ մշտական հանձնաժողովներում 2017 թ. բյուջեի կատարողականի քննարկումների ժամանակ Հանրային հեռուստառադիոընկերության խորհրդի նախագահ Ռուբեն Ջաղինյանը, ի պատասխան «Ծառուկյան» խմբակցության պատգամավոր Սերգեյ Բագրատյանի հարցի, թե որքա՞ն է նրա աշխատավարձը, պատասխանեց. «Ես չեմ պատրաստվել` ձեզ լիտրաժներով բենզին և այլն…»:Ջաղինյանը փորձեց խուսափել հարցից և ասաց՝ իր աշխատավարձը եղել է այն, ինչ եղել է տվյալ պաշտոնը զբաղեցնող նախորդ պաշտոնյաների աշխատավարձը:
Բագրատյանը պնդեց իր հարցը, թե կոնկրետ գումարի չափն է ուզում իմանալ:
«485 հազար դրամ»,- հայտարարեց Ջաղինյանը` հավելելով, թե թիվը մոտավոր է:
Նա շեշտեց, թե այդ թվի փոփոխություն դեպի վեր չի եղել, հակառակը` նվազել է:
Սակայն, նշենք, որ ըստ շրջանառվող լուրերի՝ Ջաղինյանն իր աշխատավարձը հասցրել է մինչև 5 միլիոն դրամի:
