20:03 - Ապրիլյան պատերազմում ոտքերը կորցրած Դավիթը Մանվել Գրիգորյանին ազգի դավաճան է համարում         19:47 - Արարատում ՊՆ-ի «Ուրալ» է շրջվել      19:30 - Քաղցկեղի մասին կարելի է կռահել բերանի հոտով    

05 հուն 2018 15:46

Մանկապարտեզներում երեխաներին ցերեկային ժամերին արևային լոգանքի ենթարկելը խիստ վտանգավոր է. Տեսանյութ

Մանկապարտեզներում երեխաներին ցերեկային ժամերին արևային լոգանքի ենթարկելը խիստ վտանգավոր է. ՏեսանյութՀայացք մամուլի ակումբում ՀՀ ԲՆ Օզոնի ազգային ծրագրի համակարգող Լիանա Ղահրամանյանը, ՀՀ ԱԻՆ Հիդրոմետ ծառայության հելիոերկրաֆիզիկայի և մթնոլորտի վերին շերտի ուսումնասիրության բաժնի պետ Աննա Ծառուկյանը ՀՀ ԱՆ հիվանդությունների վերահսկման և կանխարգելման ազգային կենտրոն ՊՈԱԿ շրջակա միջավայրի հիգիենայի բաժնի պետ Ռուբեն Գրիգորյանը խոսեցին շրջակա միջավայրի համաշխարհային օրվա և Օզոնի շերտի պահպանության կարևորության մասին:
 
Աննա Ծառուկյանը նշեց, որ Հայաստանում ամենաբարձր ուլտրամանուշակագույն ճառագայթման ինդեքսը գրանցվում է  Արմավիրի մարզում և Սեւանա լճի ավազանում. «Օզոնի շերտի  չափումների արդյունքում, եթե պարզվում է, որ ուլտրամանուշակագույն ճառագայթման ինդեքսը 6 է, ապա նշանակում է, որ պետք է ժամը՝ 11-ից 17-ն ընկած ժամանակահատվածում խուսափել արևի ուղիղ ճառագայթներից: 6–ից ավելի ինդեքսն արդեն վտանգավոր է: Ես շատ հաճախ եմ նկատել, որ մանկապարտեզներում երեխաներին բակ են տանում ցերեկային ժամերին և ենթարկում արեւային լոգանքի, ինչը խիստ վտանգավոր է»,- ասաց  Աննա Ծառուկյանը:
 
Ռուբեն Գրիգորյանն էլ նկատեց, որ առողջապահության նախարարության տվյալներով  վերջին շրջանում մելանոմա հիվանդության  աճ է գրանցվել. «Ուլտրամանուշակագույն ճառագայթների ազդեցությանն է ենթարկվում մեր մաշկը, որն  իր հերթին առաջացնում է մելանոմա՝ մաշկի քաղցկեղ հիվանդությունը: Սոլյարիներ կոչվածը  չարիք է:  ՀՀ-ում ուլտրամանուշակագույն ճառագայթման ինդեքսն  առանց այդ էլ  բարձր է, և սոլյարիները մեզ հակացուցված են: Ուլտրամանուշակագույն ճառագայթների ավելցուկը հանգեցնում է ակտիվության անկման, իմունային համակարգի նվազեցման, որի արդյունքում հիվանդություններն անխուսափելի են դառնում»,- ասացՌուբեն Գրիգորյանը:
Մանրամասները՝ տեսանյութում

 

loading...

Մեկնաբանություններ

Համընկնող լուրեր