Պատմաբան Շարմազանովն իրավունք չունի տնտեսագիտության մասին կարծիքներ հայտնել. Տեսանյութ
Հայացք մամուլի ակումբում Տնտեսական իրավունքի կենտրոն հ/կ նախագահ, տնտեսագետ Մովսես Արիստակեսյանը խոսեց նոր կառավարության ծրագրի շուրջՄովսես Արիստակեսյանը նշեց, որ Կառավարության ներկայացրած ծրագիրը կարճաժամկետ է. «Այս ծրագրի առանցքային նպատակը թավշյա հեղափոխության ամրագրումն է: Այս ծրագրի դեպքում չպետք է արձանագրել արդյունքային ցուցանիշներ: Երբ որոշ պաշտոնյաներ խոսում են արդյունքային ցուցանիշների մասին, ապա պետք է նախ ներկայացնեն նախկին ղեկավարության վերջին տարիների ընթացքում ցույց տված արդյունքները»:
Անդրադառնալով ԱԺ փոխխոսնակ Էդուարդ Շարմազանովի հայտարարությանը,
որ սա ցանկությունների և բարի հեքիաթների ծրագիր է, ասաց. «Պատմաբանն իրավունք չունի տնտեսագիտության մասին կարծիքներ հայտնելու: Չկա մի երկիր, որ մեկ տարվա ժամկետի համար կարողանա արդյունքային ցուցանիշներ հրապարակել, մանավանդ, որ գնում ենք ընտրությունների: Շարմազանովը գոնե պետք է ասի, որ իրենց ղեկավարության օրոք գրանցած ցուցանիշները իրական չեն: Նրանք ասում են, թե ՀՀԿ-ն
7,5 տոկոսանոց տնտեսական աճով է իշխանությունը փոխանցել նոր կառավարիչներին, բայց դա մեծ կեղծիք է, չկա այդպիսի աճ»:
Ըստ Մովսես Արիստակեսյանի՝ այս ծրագրում անպայման պետք է փոխվի ՀՀ ազգային անվտանգության ռազմավարությունը, որն արդեն
10 տարվա վաղեմություն ունի և, որ ծրագրում նշելով ցեղասպանության ճանաչմանը հետամուտ լինելու հարցը, իշխանությունները պետք է հայտարարեն մի կարևոր կետ, այն է՝ նշել, ցեղասպանության արդյունք հանդիսացող հայրենազրկման, տարածքային, ժողովրդագրական, տնտեսական, սոցիալական կառույցների համար փոխհատուցման քաղաքականություն սկսելու մասին:
