Կաթողիկոսը պատժեց ապստամբ հոգեւորականին
Գարեգին Բ Կաթողիկոսի հունիսի 21-ի տնօրինությամբ Տ. Կորյուն աբեղա Առաքելյանն ազատվել է Ս. Գայանե վանքի վանահոր պարտականություններից:Այս առնչությամբ Մայր Աթոռի լուսարարապետությանը թելադրվել է ապահովել Հայր Կորյունի կեցությունը մայրավանքում:
Մայր Աթոռ Սուրբ Էջմիածնի Կարգապահական հանձնախմբին հանձնարարական է տրվել քննության առնել Տ. Կորյուն աբեղա Առաքելյանի հետ առնչված խնդիրները:
Նորին Սրբության տնօրինությամբ Ս. Գայանե վանքի վանահայր է նշանակվել Հոգեշնորհ Տ. Մատթեոս վարդապետ Պողոսյանը, տեղեկացնում են Մայր Աթոռից:
Տեղեկացնենք, որ Տ.Կորյունը հարում էր Նոր Հայաստան, նոր հայրապետ շարժմանը, պահանջելով Գարեգին Բ-ի հրաժարականը:
