Վրաստանում գործ է հարուցվել հակահայկական կոչեր արած ադրբեջանցու դեմ
Վրաստանում գործ է հարուցվել այդ երկրի քաղաքացի, ազգությամբ ադրբեջանցի Օրհան Աբբասի դեմ «ահաբեկչության կոչի» հոդվածով: Ադրբեջանական ԱՊԱ գործակալությունը հայտնում է, որ դրա պատճառը Հայաստանի դեմ ֆեյսբուքյան գրառումն է 2016 թվականի ապրիլյան պատերազմի ժամանակ: Նա դիմել էր Վրաստանում ապրող ադրբեջանցիներին՝ կոչ անելով Հայաստանի դեսպանատան մոտ ցույց անել և վառել Հայաստանի դրոշը:Մեղադրող դատախազն Աբբասի համար պահանջել է 2-6 տարվա ազատազրկում:
