17:00 - ԿԳՍՄ ճշմարտախոս նախարարին.Քահանան՝ Արայիկ Հարությունյանի հայտարարության մասին. Դատարկաբանություն է         16:34 - Ընդամենը մի հոգու կապրիզ.Ոստիկանությունն էնքան մելչնիկ է, որ աղջկա շփոթած նախադասությունից է կախվում      16:10 - Ջրում հայտնված երեխային փրկելու համար 10 անհետ կորածների հարազատները եկել են «մահվան լողափ»՝ հույսով, որ ծովը ափ կհանի մարմինները    

04 հուլ 2018 14:00

Ադրբեջանցիները՝ խավարում.Բաքվի մետրոն այսօր էլ չի գործի. տեսանյութ

Ադրբեջանցիները՝ խավարում.Բաքվի մետրոն այսօր էլ չի գործի. տեսանյութԲաքվի մետրոպոլիտենի աշխատանքը, որը խաթարվել էր Ադրբեջանում գրանցված լայնամասշտաբ հոսանքազրկման հետևանքով, չի վերականգնվի նաև հուլիսի 4-ին:
Այս մասին հայտնում է ադրբեջանական «Թուրան» լրատվական գործակալությունը:

Ադրբեջանի կապի նախարարության փոխանցմամբ` քանի որ մետրոպոլիտենը չի գործելու, Բաքվի քաղաքային տրանսպորտի մյուս տեսակները գործելու են արտակարգ ռեժիմով և անվճար:
Հոսանքազրկման պատճառով հուլիսի 3-ին հազարավոր ուղևորներ, որոնք այդ պահին գտնվում էին մետրոյում, ստիպված են եղել ոտքով մի քանի կիլոմետր թունելներով քայլելով դուրս գալ մետրոյից:
Ադրբեջանի մայրաքաղաք Բաքուն, ինչպես նաև երկրի մի շարք շրջաններ հուլիսի 2-ի լույս 3-ի գիշերը հայտնվել էին խավարում. պատճառը լայնամասշտաբ հոսանքազրկումն էր:
Ավելի ուշ Ադրբեջանի էներգետիկայի նախարարությունը հանդես եկավ պարզաբանմամբ, որում ասվում էր, թե վթարի պատճառ է դարձել երկրում անոմալ շոգը, որ հանգեցրել է բնակչության կողմից էլեկտրաէներգիայի սպառման ծավալների ավելացմանը, ինչը շարքից հանել է ՀԷԿ տրանսֆորմատորներից մեկը:


Առանց հոսանքի մնացած քաղաքների շարքում էին նաև Սումգայիթը, Շիրվանը, Գյանջան, Զաքաթալան և այլն:
Ժամեր անց միայն հոսանքազրկված քաղաքների, այդ թվում և Բաքվի որոշակի շրջանների էլեկտրականությունը վերականգնվել է:



Մեկնաբանություններ

Համընկնող լուրեր