Հայաստանում կարգելվի մեկանգամյա պլաստիկի օգտագործումը
ՀՀ կառավարության լրատվական ծառայության փոխանցմամբ, բնապահպանության նախարար Էրիկ Գրիգորյանի խոսքով՝ գործընթացը կմեկնարկի մեկ համայնքից, այնուհետև կլինի մարզի մակարդակով ու որոշակի ժամանակ անց Հայաստանը կմիանա այն երկրների շարքին, որտեղ մեկանգամյա պլաստիկի օգտագործումն արգելված է։ Նախարարը նշել է, որ սա համաշխարհային միտում է ու մեկանգամյա պլաստիկի օգտագործման արգելքը կա բազմաթիվ երկրներում:
«Այս պահի դրությամբ չենք կարող միանգամից արգելել, բայց գործընթաց ենք մեկնարկում»,- ասել է նախարարը:
