Խաչատուրովը ՀՔԾ-ից ծանուցագիր է ստացել

Այդ օրերին Խաչատուրովը եղել է Երեւանի ռազմակայանի ղեկավարը ու հավանական է, որ այդ կարգավիճակով նա առնչություն է ունեցել մարտի 1-յան դեպքերին, զինված գործողություններին: Նշվում է, որ ՀՔԾ-ն այդ կապակցությամբ հարցեր ունի Խաչատուրովին:
ՀԱՊԿ քարտուղարությունից հաստատել են այս տեղեկատվությունը, նշել, որ Յուրի Խաչատուրովը ՀՔԾ ներկայանալու մասին ծանուցագիր է ստացել, Երեւան կժամանի հուլիսի վերջին:
Эхо Москвы-ի դիտարկմամբ, Երեւանում կարծում են, որ Խաչատուրովը ցանկանում է ՀՔԾ ներկայանալ ՀՀ երկրորդ նախագահ Ռոբերտ Քոչարյանից հետո, ով եւս այս գործով ՀՔԾ-ից ծանուցագիր է ստացել: Նաեւ նշվում է, որ ինչ հանգուցալուծում էլ ստանա Խաչատուրովի հարցաքննությունը, այս փաստն արդեն հարվածի տակ է դնում նրա ու հենց ՀԱՊԿ-ի հեղինակությունը, անգամ եթե վերջինս որպես զինվորական ընդամենը կատարել է հրամանը: Ըստ թերթի՝ Խաչատուրովի պաշտոնավարումն ընդամենը ժամանակի հարց է:
Միաժամանակ, Эхо Москвы-ն նշում է, որ ՀՀ վարչապետ Նիկոլ Փաշինյանը Բրյուսելում հանդիպելու է ՆԱՏՕ-ի գլխավոր քարտուղար Յենս Ստոլտենբերգի հետ, վարչապետը նաեւ հրավեր է ստացել ՆԱՏՕ-ի գագաթնաժողովին մասնակցելու համար, իսկ պաշտոնական Մոսկվան դեռ որեւէ մեկնաբանություն չի ներկայացրել ՀԱՊԿ-ի անդամ Հայաստանի՝ ՆԱՏՕ-ի գագաթնաժողովին մասնակցելու մասին: