Ադրբեջանը դիվերսիոն հարձակման է ենթարկվել
«Ազերէներժի» պետական ընկերության գլխավոր տնօրեն Էթիբար Փիրվերդիեւը Բաքվի եւ մի շարք շրջանների հոսանքազրկման փաստի առթիվ հայտարարել է, որ Մինգեչաուրճ ՋԷԿ-ից դեպի Բաքու էլեկտրահոսքագծերի տակ Եվլախի եւ Աղսուի շրջաններում միաժամանակ հրդեհ է առաջացել;«Ինչու՞ միաժամանակ երկու շրջաններում հրդեհ է առաջանում, դա հարցեր է ծնում: Մենք ստիպված ենք դադարեցնել Բաքվի եւ Սումգայիթի էլեկտրամատակարարումը՝ մինչեւ հրդեհները կմարվեն»,- ասել է ադրբեջանցի պաշտոնյան:
Նրա խոսքի տոնայնությունից կարելի է եզրակացնել, որ Բաքվում կասկածներ ունեն, թե էլեկտրահոսքագծերը ենթարկվել են դիվերսիոն հարձակման: Փիրվերդիեւը դժվարացել է կոնկրետացնել, թե երբ կվերականգնվի էլեկտրամատակարարումը:
