17:55 - Հայտնի է փորձագիտական կենտրոնում փլուզումից մահացած աշխատակցի ինքնությունը         17:40 - Լեզվի վրա արված դաջվածքը համարվում է նոր ոճային թրենդ. լուսանկարներ      17:36 - Հուլիսի 17-ին ժամը 12 00 Հայացք մամուլի ակումբի հյուրերն են    

14 հուլ 2018 10:18

«Հրապարակ». «Վրեժ կլուծի». Ծառուկյանն՝ ընդդեմ Օսիպյանի. պայքարին միացել է նաեւ Վլադիմիր Գասպարյանը

«Հրապարակ». «Վրեժ կլուծի». Ծառուկյանն՝ ընդդեմ Օսիպյանի. պայքարին միացել է նաեւ Վլադիմիր Գասպարյանը«Հրապարակ» թերթը գրում է. «Մենք օրեր առաջ գրել էինք, որ Գագիկ Ծառուկյանի թիկնազորի պետ Էդուարդ Բաբայանին ձերբակալելուց առաջ, երբ ոստիկանությունը մտել է «Շանգրի Լա»՝ բոլորին պառկեցրել գետնին եւ սկսել Էդոյին փնտրել, որն այդ պահին եղել է իր տանը, Ծառուկյանը զանգահարել է ոստիկանապետ Վալերի Օսիպյանին եւ ասել՝ «առավոտը Էդոն կգա քո մոտ», ինչին Օսիպյանը պատասխանել է. «Ոչ, հենց հիմա»:
Այդ պահից սկսած՝ Գագիկ Ծառուկյանի եւ ոստիկանապետի հարաբերությունները խիստ սրվել են, եւ Ծառուկյանը ոչ այնքան իշխանության դեմ է տրամադրվել, որքան կոնկրետ Օսիպյանի ու նրա շրջապատի։ «Մուլտի գրուպ»-ում խոսում են, որ Ծառուկյանը «սա սենց չի թողնի՝ Էդոն իր ամենամոտ մարդն ա, վրեժ կլուծի»։
Այս գործընթացին նպաստել է նաեւ վերջերս ԲՀԿ-ն համալրած «ծանր հրետանին»՝ ԱԱԾ նախկին փոխտնօրեն Հրանտ Եպիսկոպոսյանը, ով կոորդինացնում է «Մուլտի գրուպի» անվտանգության աշխատանքները։
Այդ պահից սկսած՝ ակտիվ գործողություններ են սկսել իրականացվել բոլոր այն անձանց նկատմամբ, ովքեր այս կամ այն կերպ կապված են Վալերի Օսիպյանի հետ:
Այդ թվում՝ ՊԵԿ օպերատիվ վարչության պետ Կարեն Կարապետյանի դեմ, որի նշանակումը ոչ միանշանակ ընդունվեց մամուլում, եւ որի նկատմամբ այսօր ծառայողական քննություն է ընթանում:
Ի դեպ, ըստ լուրերի, Վալերի Օսիպյանի դեմ պայքարին միացել է նաեւ նախկին ոստիկանապետ Վլադիմիր Գասպարյանի թիմը:
Հիշեցնենք, որ եւս մեկ ծառայողական քննություն էլ իրականացվում է ոստիկանությունում: Այստեղ էլ «գլխավոր հերոսը» Վ. Գասպարյանի եղբորորդին է: Այս ամենը վկայում է, որ նախընտրական պայքարը մտնում է ակտիվ փուլ, որտեղ օգտագործվելու են բոլոր հին ու նոր կոմպրոմատներն ու «մուտիլովկաները»:
Առավել մանրամասն՝ թերթի այսօրվա համարում

loading...

Մեկնաբանություններ

Համընկնող լուրեր