ՌԴ 102-րդ ռազմաբազայի պատասխանատու Ալեքսեյ Պոլյուխովիչը ներողություն է խնդրել,մեղավորները պատասխանատվության կենթարկվեն
Այսօր 102-րդ ռազմաբազայի անձնակազմի գծով հրամանատարի տեղակալ Ալեքսեյ Պոլյուխովիչը հանդիպել է Շիրակի մարզպետի հետ եւ բացատրել երեկ Փանիկ գյուղում տեղի ունեցած միջադեպը: Ալեքսեյ Պոլյուխովիչը ներողություն է խնդրել եւ նշել, որ միջադեպը անփութության արդյունք է. «Ես վստահեցնում եմ ձեզ, պարոն մարզպետ, որ այսուհետ նման բացթողում մեր աշխատանքներում չի լինի, զորավարժանքներն անցկացվել են ռազմաբազայի մարտական պատրաստվածության բարձրացման նպատակով: Մենք հասկանում ենք, որ ազգաբնակչությունը անհանգստացել ու վախեցել է, ընդունում ենք, որ թերացել ենք ու հավուր պատշաճի չի տեղեկացվել համայնքին: Անցկացնելու ենք ծառայողական քննություն եւ մեղավորները պատասխանատվության կենթարկվեն»:
