Չի բացառվում, որ ռուսական ռազմաբազայի միջադեպը սադրել են ՀՀ նախկին իշխանությունները. Ստեփան Գրիգորյան
Քաղաքագետ Ստեփան Գրիգորյանը չի բացառում, որ Փանիկ գյուղում ռուսական ռազմաբազայի հետ կապված միջադեպը կարող է հրահրված լինել Հայաստանի նախկին իշխանությունների կողմից, ովքեր փայլուն հարաբերություններ ունեն ռուսական ռազմաբազայի ղեկավարների հետ:Ինչ վերաբերում է, թե որն է դրա նպատակը, եթե դա իրականություն է, ապա Գրիգորյանի խոսքերով, դա արվում է հանրության ուշադրությունը շեղելու համար. «Ստացվում է, որ մենք խորանում ենք կարևորգույն հարցերի մեջ, որոնք պարտավոր ենք լուծել, բայց գլխավոր ուղուց ամեն դեպքում մեզ շեղում են»:
Քաղաքագետի խոսքերով, պետք է կոռուպցիայի դեմ պայքարը շարունակվի, բոլոր պատասխանատուները պատասխանատվության ենթարկվեն. «Բոլոր հարցերով մենք պարտավոր ենք զբաղվել, բայց դա շատ հավանական սարքած գործ է, որը կարող էին սարքել նախկին իշխանությունները»:
