Ֆրանսիան և Գերմանիան կոչ են անում կոշտ և միասնական պատասխան տալ ԱՄՆ-ի մաքսատուրքերին          Ֆինանսների նախարար Վահե Հովհաննիսյանի նկատմամբ քրեական վարույթ կնախաձեռնվի       Մեր կառավարությունն իրագործում է տված խոստումները, քաղաքացիների կյանքը բարելավում է և հավակնում է 2026-ին իշխանության գալու    

21 օգոս 2018 13:50

Նարեկ Սարգսյանին փնտրում է Ինտերպոլը,կարծես թե մեր տեսադաշտում շուտով կլինի

Նարեկ Սարգսյանին փնտրում է Ինտերպոլը,կարծես թե մեր տեսադաշտում շուտով կլինիՀայաստանի ոստիկանապետ Վալերի Օսիպյանն այսօր լրագրողների հետ հանդիպմանն անդրադարձավ ՀՀ երկրորդ նախագահ Սերժ Սարգսյանի եղբոր՝ Սաշիկ Սարգսյանի որդու՝ Նարեկ Սարգսյանի գործին:
Ոստիկանապետը հայտնեց, որ Նարեկ Սարգսյանը գտնվում է միջազգային հետախուզման մեջ, ոստիկանությունը համագործակցում է Ինտերպոլի հետ:
«Մենք համագործակցում ենք Ինտերպոլի կենտրոնական բյուրոյի հետ. թույլ տվեք մանրամասներ չհայտնել, բայց այնպիսի տեղեկություններ կասեմ ձեզ, որ կարծես թե մեր տեսադաշտում շուտով կլինի»,- ասաց Օսիպյանը։
Օսիպյանը նշեց, որ Նարեկ Սարգսյանը Հայաստանից հեռացել է իր նկատմամբ հետախուզում հայտարարելուց 1-2 օր առաջ:
Հիշեցնենք, որ ավելի վաղ ԱԱԾ-ն հաղորդագրություն էր տարածել, որում հայտնել էր, որ Նարեկ Սարգսյանին պատկանող բնակարանի խուզարկությամբ հայտնաբերվել են խոշոր չափի թմրանյութեր, ինչպես նաև զենք-զինամթերք: Նարեկ Սարգսյանը որպես մեղադրյալ է ներգրավվել մեկ այլ դրվագով ևս՝ մարդ առևանգելու և ծեծի ենթարկելու դեպքի առթիվ հարուցված քրեական գործի շրջանակում:


Մեկնաբանություններ


Համընկնող լուրեր