Տղամարդը ցանկացել է սպանել քաղաքական գործիչին
Նիդեռլանդների ոստիկանությունը ձերբակալել է տղամարդու, որը կասկածվում է ծայրահեղ աջակողմյան քաղաքական գործիչ, «Ազատություն կուսակցության» նախագահ Գերտ Վիլդերսին մահվան սպառնալիքներ ուղղելու համար։
Վիլդերսին սպանել ցանկացած տամարդուն բարկացրել է քաղաքական գործչի կողմից Մուհամեդ մարգարեի նկարների ցուցահանդեսի կազմակերպումը։
Ինչպես գրում է РИА Новости գործակալությունը, 26-ամյա կասկածյալը ձերբակալվել է Հաագայի կայարանում։
Նրա ձերբակալության համար հիմք է ծառայել Facebook-ում հրապարակված տեսանյութը, որտեղ նա հայտնել է «Ազատություն կուսակցության» գրասենյակում կազմակերպվելիք և Մուհամեդ մարգարեին պատկերող նկարների ցուցահանդեսի կազմակերպչի վրա հարձակման նախապատրաստման մասին։
Հայտնի է, որ ձերբակալվածը պակիստանցի է, որը վերջին ժամանակներս բավականին շատ ճամփորդել է Եվրոպայով։ Ուրբաթ նա պետք է կանգնի դատարանի առաջ։