Տեսանյութ. Օր առաջ պետք է արտահերթ խորհրդարանական ընտրություններ անցկացնել՝ անկախ նրանից, թե քաղաքական ուժերը որքանով են պատրաստ
Հայացք մամուլի ակումբում Ժառանգություն կուսակցության քաղաքապետի թեկնածու Րաֆֆի Հովհաննիսյանը և Ժառանգություն կուսակցության նախագահ
Արմեն Մարտիրոսյանը ամփոփեցին քարոզարշավի ընթացքը:Արմեն Մարտիրոսյանը նշեց, որ Երևանի ընտրակարգը սխալ է ընտրված. «Պետք է քաղաքացիների կողմից ուղղակի ընտրությամբ ընտրվի Երևանի քաղաքապետի և նաև ավագանու՝ որպես հակակշիռ որպես քաղաքի օրենսդիր մարմին»,- նկատեց Արմեն Մարտիրոսյանը, հավելելով, որ օր առաջ, ինչպես «Ժառանգություն»-ը նախկինում ասել է, պետք է արտահերթ խորհրդարանական ընտրություններ անցկացնել՝ անկախ նրանից, թե քաղաքական ուժերը որքանով են պատրաստ:
Այս համատեքստում նա դրական է գնահատում Նիկոլ Փաշինյանի հայտարարությունը, թե քաղաքացիները պետք է ձայն չտան այն ուժերին, ովքեր դեմ են արտահերթ խորհրդարանական ընտրություններին. «Ըստ էության, ակնհայտ է մի բան. եթե մենք չունենանք արտահերթ ԱԺ ընտրություններ, երկրում քաղաքական, ինչպես նաև օրենսդրական ճգնաժամը շարունակվելու է»:
Ամբողջական ասուլիսը Hayacq.com-ի տեսանյութերում
